រាយការណ៍អំពីកិច្ចប្រជុំសាមញ្ញលើកទី១០ និងការជួបជុំសង្គម

ពិធីប្រគល់អំណោយជារថយន្តដឹកសំរាមចំនួន ១០គ្រឿង ត្រូវបានប្រារព្ធឡើងនៅមន្ទីរបរិស្ថានទីក្រុងអូសាកា។ សមាគមយើងខ្ញុំ សូមថ្លែងអំណរគុណចំពោះការខិតខំប្រឹងប្រែងរបស់លោកនាយក Mitsujo ទទួលបន្ទុកតំបន់ Kansai សម្រាប់ការបរិច្ចាគរថយន្តដឹកសំរាម ជូនដល់ក្រសួងបរិស្ថានកម្ពុជារយៈពេល២ឆ្នាំជាប់ៗគ្នា។ នៅថ្ងៃនៃព្រឹត្តិការណ៍នោះដែរ ឯកឧត្តម ទុយ រី ឯកអគ្គរាជទូតវិសាមញ្ញ និងពេញសមត្ថភាពនៃ ព្រះរាជាណាចក្រកម្ពុជាប្រចាំនៅទីក្រុងតូក្យូ បានទៅទស្សនាទីក្រុងអូសាកា និងបានទស្សនារោងចក្រ Nishiyodo Plant (រោងចក្រដុតសំរាម) ផងដែរ។ សមាគមយើងខ្ញុំ ​នឹង​បន្ត​ជួយ​ដល់​ប្រទេស​កម្ពុជា រួមជាមួយនឹងក្តី​សុបិនមួយចង់ឃើញ​វត្តមាន​ឡដុត​សំរាម​ជប៉ុន និង​ក្រុមការងាររបស់ក្រុមហ៊ុនជប៉ុន មកបម្រើការនៅកម្ពុជានាពេលអនាគតដ៏ខ្លីខាងមុខ៕

នាថ្ងៃទី២៣ និង២៤ ខែឧសភា ឯ.ឧ.Takahashi ប្រធានសមាគមជប៉ុន-កម្ពុជា និង លោក Kato អគ្គលេខាធិការសមាគម រួមទាំងនាយកគ្រប់គ្រងសមាគម លោក Tanaka បានចូលរួមក្នុង វេទិកា Nikkei អនាគតនៃអាស៊ី ប្រារព្ធឡើងនាទីក្រុងតូក្យូ ប្រទេសជប៉ុន។ នៅក្នុងឱកាសដ៏មានតម្លៃនោះ តំណាងសមាគមយើងខ្ញុំបានស្តាប់ការពន្យល់អំពីរឿងរ៉ាវផ្សេងៗ ពីតំណាងមកពីប្រទេសនីមួយៗ ជាពិសេស ក៏បានស្វែងយល់ពីគុណសម្បត្តិ និងគុណវិបត្តិនៃការពង្រីកនូវវិនិយោគនៅកម្ពុជាផងដែរ។ លើសពីនេះ យើងខ្ញុំក៏បានចាប់អារម្មណ៍ជាពិសេសចំពោះសុន្ទរកថារបស់អតីតនាយករដ្ឋមន្ត្រីម៉ាឡេស៊ីគឺ លោក Mahathir ដែលល្បីឈ្មោះចំពោះការលើកឡើងពី “គោលនយោបាយឆ្ពោះទៅទិសខាងកើត” ផងដែរ។ នៅពេលអ្នកសម្របសម្រួលបានសួរសំណួរអំពីទំនាក់ទំនងការទូត ដូចជា៖ ស្ថានភាពនៅសាធារណរដ្ឋសហភាពមីយ៉ាន់ម៉ា នៅក្នុងអាស៊ាន និងទំនាក់ទំនងរវាងចិននិងសហរដ្ឋអាមេរិក ប្រធានបទនៃការពិភាក្សាបានបញ្ចប់ដោយប្រកាន់យកភាព “អត់ធ្មត់” ជាគោល។ តាមរយៈកិច្ចពិភាក្សានោះ…

សមាគម JCA បាននឹងកំពុងរៀបចំបង្កើតឡើងនូវវេទិកាសម្រាប់កិច្ចសហប្រតិបត្តិការរវាងវិស័យសាធារណៈ និងឯកជន ដើម្បីផ្តល់ជាវិធានការជំនួយដល់ក្រុមហ៊ុនជប៉ុនដែលជាសមាជិក ជាពិសេស សហគ្រាសធុនតូច និងមធ្យម រួមទាំងរដ្ឋាភិបាលមូលដ្ឋាន ក្នុងការពង្រីកអាជីវកម្មរបស់ខ្លួនមកកាន់កម្ពុជា។ មានការលើកឡើងពីផលលំបាកចំពោះនិតិវិធីនៃការដាក់ពាក្យសុំអាជ្ញាប័ណ្ណ​​អនុញ្ញាតធ្វើអាជីវកម្ម ស្របពេលនឹងការ​វិនិយោគ​អាជីវកម្ម​នៅ​កម្ពុជា។ ក្រៅតែពីផល​​លំបាក​ក្នុងការចំណាយពេលវេលាច្រើនជាមួយ​បណ្តាក្រសួង និងស្ថាប័នពាក់ព័ន្ធ ក៏មានករណីខ្លះភាគីអ្នកវិនិយោគជប៉ុន នៅទីបញ្ចប់ ពុំអាចទទួលបានប័ណ្ណអនុញ្ញាតក្រោយការរត់ឯកសារលើនិតិវិធីនោះដែរ។ ជារឿយៗ និតិវិធីទាំងនោះនាំឱ្យភាគីជប៉ុនជួបនូវផលលំបាកច្រើនដែលពិបាកយល់។ ជារួម ភាគីវិនិយោគជប៉ុនត្រូវធ្វើការអំណត់ និងតស៊ូព្យាយាមច្រើន ដើម្បីទទួលបាននូវលិខិតអនុញ្ញាតធ្វើអាជីវកម្មនៅកម្ពុជា។ ដូច្នេះ ការស្វែងរកដៃគូអាជីវកម្មល្អៗនៅកម្ពុជាផ្ទាល់ គឺពិតជាមានសារៈសំខាន់។ យើងខ្ញុំយល់ឃើញថា ដើម្បីឱ្យអាជីវកម្មមួយរីកចម្រើននៅកម្ពុជា គឺពុំអាចខ្វះបាននូវកិច្ចសហការល្អពីដៃគូអាជីវកម្មក្នុងស្រុកឡើយ។ ដើម្បីដោះស្រាយបញ្ហាលើកឡើងខាងលើនេះ សមាគម JCA បានខិតខំបង្កើតឡើងនូវវេទិកាសម្រាប់កិច្ចសហប្រតិបត្តិការរវាងវិស័យសាធារណៈ និងឯកជន ដើម្បីជួយសម្រួលដល់ក្រុមហ៊ុនដែលជាសមាជិកសមាគមជាពិសេស។ នៅថ្ងៃទី២៩ ខែសីហា ឆ្នាំ២០២៤ សមាគមជប៉ុន-កម្ពុជាយើងខ្ញុំ បានពិភាក្សាជាមួយសមាគមឧកញ៉ាកម្ពុជា…