ពិធីប្រគល់អំណោយរថយន្តដឹកសំរាម

ពិធីប្រគល់អំណោយជារថយន្តដឹកសំរាមចំនួន ១០គ្រឿង ត្រូវបានប្រារព្ធឡើងនៅមន្ទីរបរិស្ថានទីក្រុងអូសាកា។ សមាគមយើងខ្ញុំ សូមថ្លែងអំណរគុណចំពោះការខិតខំប្រឹងប្រែងរបស់លោកនាយក Mitsujo ទទួលបន្ទុកតំបន់ Kansai សម្រាប់ការបរិច្ចាគរថយន្តដឹកសំរាម ជូនដល់ក្រសួងបរិស្ថានកម្ពុជារយៈពេល២ឆ្នាំជាប់ៗគ្នា។ នៅថ្ងៃនៃព្រឹត្តិការណ៍នោះដែរ ឯកឧត្តម ទុយ រី ឯកអគ្គរាជទូតវិសាមញ្ញ និងពេញសមត្ថភាពនៃ ព្រះរាជាណាចក្រកម្ពុជាប្រចាំនៅទីក្រុងតូក្យូ បានទៅទស្សនាទីក្រុងអូសាកា និងបានទស្សនារោងចក្រ Nishiyodo Plant (រោងចក្រដុតសំរាម) ផងដែរ។ សមាគមយើងខ្ញុំ ​នឹង​បន្ត​ជួយ​ដល់​ប្រទេស​កម្ពុជា រួមជាមួយនឹងក្តី​សុបិនមួយចង់ឃើញ​វត្តមាន​ឡដុត​សំរាម​ជប៉ុន និង​ក្រុមការងាររបស់ក្រុមហ៊ុនជប៉ុន មកបម្រើការនៅកម្ពុជានាពេលអនាគតដ៏ខ្លីខាងមុខ៕

នាថ្ងៃទី២៣ និង២៤ ខែឧសភា ឯ.ឧ.Takahashi ប្រធានសមាគមជប៉ុន-កម្ពុជា និង លោក Kato អគ្គលេខាធិការសមាគម រួមទាំងនាយកគ្រប់គ្រងសមាគម លោក Tanaka បានចូលរួមក្នុង វេទិកា Nikkei អនាគតនៃអាស៊ី ប្រារព្ធឡើងនាទីក្រុងតូក្យូ ប្រទេសជប៉ុន។ នៅក្នុងឱកាសដ៏មានតម្លៃនោះ តំណាងសមាគមយើងខ្ញុំបានស្តាប់ការពន្យល់អំពីរឿងរ៉ាវផ្សេងៗ ពីតំណាងមកពីប្រទេសនីមួយៗ ជាពិសេស ក៏បានស្វែងយល់ពីគុណសម្បត្តិ និងគុណវិបត្តិនៃការពង្រីកនូវវិនិយោគនៅកម្ពុជាផងដែរ។ លើសពីនេះ យើងខ្ញុំក៏បានចាប់អារម្មណ៍ជាពិសេសចំពោះសុន្ទរកថារបស់អតីតនាយករដ្ឋមន្ត្រីម៉ាឡេស៊ីគឺ លោក Mahathir ដែលល្បីឈ្មោះចំពោះការលើកឡើងពី “គោលនយោបាយឆ្ពោះទៅទិសខាងកើត” ផងដែរ។ នៅពេលអ្នកសម្របសម្រួលបានសួរសំណួរអំពីទំនាក់ទំនងការទូត ដូចជា៖ ស្ថានភាពនៅសាធារណរដ្ឋសហភាពមីយ៉ាន់ម៉ា នៅក្នុងអាស៊ាន និងទំនាក់ទំនងរវាងចិននិងសហរដ្ឋអាមេរិក ប្រធានបទនៃការពិភាក្សាបានបញ្ចប់ដោយប្រកាន់យកភាព “អត់ធ្មត់” ជាគោល។ តាមរយៈកិច្ចពិភាក្សានោះ…

នៅថ្ងៃព្រហស្បតិ៍ ទី០៥ ខែមេសា ឆ្នាំ២០២៤ សមាជិកសមាគមជប៉ុន-កម្ពុជា បានចូលជួប លោកជំទាវ ភឿង សកុណា រដ្ឋមន្ត្រីក្រសួងវប្បធម៌ និងសិល្បៈ។ ឯ.ឧ. Takahashi ប្រធានសមាគមជប៉ុន-កម្ពុជា និងលោកជំទាវ ភឿង សកុណា បានសម្តែងនូវសេចក្តីសោមនស្សរីករាយ ដែលបានជួបប្រជុំគ្នាឡើងវិញម្តងទៀត ចាប់តាំងពីដំណើរទស្សនកិច្ចរបស់សមាជិកសមាគមកាលពីខែកញ្ញា ឆ្នាំ២០២៣ កន្លងទៅ។ នៅក្នុងកិច្ចប្រជុំលើកនេះ សមាគមយើងខ្ញុំ​បាន​ពិភាក្សា​អំពី​កិច្ច​សហប្រតិបត្តិការ​នានានា​ពេល​អនាគតជាមួយភាគីក្រសួង។ លោកជំទាវរដ្ឋមន្ត្រី ភឿង សកុណា បានបញ្ជាក់ថា លោកជំទាវមានបំណងផ្សព្វផ្សាយវប្បធម៌ខ្មែរ នៅក្រៅប្រទេស និងបានលើកឡើងពីកិច្ចពង្រឹងផ្នែកចំណេះដឹង និងការយល់ដឹងអំពីវប្បធម៌របស់ខ្លួនឱ្យបានស៊ីជម្រៅដែរ។ ពីភាគីសមាគមវិញ យើងខ្ញុំ ដែលមាន ឯ.ឧ. Takahashi ជាប្រធាន និង លោក…