បរិច្ចាគរបាំងវះកាត់ចំនួន ១០,០០០ ដល់ស្ថានទូតកម្ពុជាប្រចាំប្រទេសជប៉ុន

ពិធីប្រគល់អំណោយជារថយន្តដឹកសំរាមចំនួន ១០គ្រឿង ត្រូវបានប្រារព្ធឡើងនៅមន្ទីរបរិស្ថានទីក្រុងអូសាកា។ សមាគមយើងខ្ញុំ សូមថ្លែងអំណរគុណចំពោះការខិតខំប្រឹងប្រែងរបស់លោកនាយក Mitsujo ទទួលបន្ទុកតំបន់ Kansai សម្រាប់ការបរិច្ចាគរថយន្តដឹកសំរាម ជូនដល់ក្រសួងបរិស្ថានកម្ពុជារយៈពេល២ឆ្នាំជាប់ៗគ្នា។ នៅថ្ងៃនៃព្រឹត្តិការណ៍នោះដែរ ឯកឧត្តម ទុយ រី ឯកអគ្គរាជទូតវិសាមញ្ញ និងពេញសមត្ថភាពនៃ ព្រះរាជាណាចក្រកម្ពុជាប្រចាំនៅទីក្រុងតូក្យូ បានទៅទស្សនាទីក្រុងអូសាកា និងបានទស្សនារោងចក្រ Nishiyodo Plant (រោងចក្រដុតសំរាម) ផងដែរ។ សមាគមយើងខ្ញុំ ​នឹង​បន្ត​ជួយ​ដល់​ប្រទេស​កម្ពុជា រួមជាមួយនឹងក្តី​សុបិនមួយចង់ឃើញ​វត្តមាន​ឡដុត​សំរាម​ជប៉ុន និង​ក្រុមការងាររបស់ក្រុមហ៊ុនជប៉ុន មកបម្រើការនៅកម្ពុជានាពេលអនាគតដ៏ខ្លីខាងមុខ៕

នាថ្ងៃទី៩ ខែមករា ឆ្នាំ២០២៤ ម៉ោង ១៨:០០ នៅសណ្ឋាគារ New Otani ក្រុងតូក្យូ ប្រទេសជប៉ុន សមាគមជប៉ុន-កម្ពុជា បានប្រារព្ធពិធីជប់លៀងអាហារថ្ងៃត្រង់ជូន សម្តេច ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា។ ក្នុងឱកាសនោះ សមាជិកក្រុមប្រឹក្សាភិបាលសមាគមជប៉ុន-កម្ពុជា (JCA) រួមមាន៖ ឯ.ឧ. Takahashi ជាប្រធាន, លោក Kato ជាអគ្គលេខាធិការ, និងលោក Tanaka  នាយកគ្រប់គ្រង រួមជាមួយលោក Tamura នាយកទទួលបន្ទុកផ្នែកជំនួយអភិវឌ្ឍន៍ ODA និងលោក Nakama នាយកផ្នែកទំនាក់ទំនងសាធារណៈ បានមានវត្តមានចូលរួមផងដែរ៕ https://propertyarea.asia/archives/148230

5/7 18:00:-20:00 (តូក្យូ) ឯកឧត្តមឧបនាយករដ្ឋមន្ត្រី ស៊ុន ចាន់ថុល បានទៅបំពេញទស្សនកិច្ចនៅប្រទេសជប៉ុន ដើម្បីចូលរួមសិក្ខាសាលារៀបចំឡើងដោយមជ្ឈមណ្ឌលអាស៊ាន-ជប៉ុន។ កិច្ចជួបសំណេះសំណាលនេះធ្វើឡើង ស្របតាម​សំណើ​របស់សមាគម តាមរយៈក្រសួង​ការ​បរទេសជប៉ុន ក្នុងអំឡុងពេលទស្សនកិច្ចរបស់ឯកឧត្តមឧបនាយករដ្ឋមន្រ្តីនៅប្រទេសជប៉ុន។ ភាគីទាំងពីរបានជជែកពីគោលបំណងនៃការបើកការិយាល័យសមាគមនៅកម្ពុជា ដែលបានពិភាក្សាគ្នាកាលពីខែធ្នូ ឆ្នាំ២០២៣កន្លងមក។ ក្នុងកិច្ចសំណេះសំណាលលើកនេះ សមាគមយើងខ្ញុំបានពិភាក្សាជាមួយឯកឧត្តមឧបនាយករដ្ឋមន្រ្តី រួមនិងតំណាងភាគីកម្ពុជាដែលមានសមាសភាពដូចជា៖ សមាគមឧកញ៉ាកម្ពុជា (COA), សភាពាណិជ្ជកម្ម និងឧស្សាហកម្មកម្ពុជា (CCC), និងសមាគមសហគ្រាសធុនតូច និងមធ្យម (FASMEC), ដោយលើកឡើងពីភាពចាំបាច់នៃកិច្ចសហប្រតិបត្តិការរវាងសមាគមជប៉ុន-កម្ពុជា និងដៃគូពាក់ព័ន្ធនានាទាំងនៅកម្ពុជានិងជប៉ុន។ លើសពីនេះ ឯកឧត្តមឧបនាយករដ្ឋមន្រ្តី ក៏បានពន្យល់អំពីសារៈសំខាន់នៃការបង្កើតបណ្តាញដឹកជញ្ជូនថ្មីមួយ ដែលនឹងត្រូវបានធ្វើឡើងដោយប្រើប្រាស់ទន្លេមេគង្គ និងទន្លេសាបរបស់កម្ពុជា ដែលនឹងផ្តល់នូវសក្តានុពលសេដ្ឋកិច្ចសម្រាប់កម្ពុជាខ្លួនឯងផង និងនៅក្នុងតំបន់ រួមទាំងភាគីក្រុមហ៊ុនជប៉ុនផង។ ដោយសារឧបនាយករដ្ឋមន្ត្រី ស៊ុន ចាន់ថុល ក៏ជាអនុប្រធានទី១…