លោក SAY Sophertra អនុប្រធានក្រុមហ៊ុន សូគីម៉ិច អ៊ិនវេសមេន គ្រុប ធ្វើទស្សនកិច្ចក្រុមហ៊ុនសមាជិកសមាគម JCA
ក្នុងអំឡុងពេលទស្សនកិច្ចនៅប្រទេសជប៉ុន លោក SAY Sophertra អនុប្រធាន ក្រុមហ៊ុន សូគីម៉ិច អ៊ិនវេសមេន គ្រុប បានទៅទស្សនាក្រុមហ៊ុន Nippon Koei, ក្រុមហ៊ុន Mitsubishi Corporation, និងក្រុមហ៊ុនទូរទស្សន៍ TBS Holdings ហើយបានពន្យល់អំពីអាជីវកម្មដែលក្រុមហ៊ុនលោកកំពុងអនុវត្តនៅក្នុងប្រទេសកម្ពុជា និងបានពិភាក្សាអំពីលទ្ធភាពនៃកិច្ចសហការជាមួយភាគីសហគ្រាសជប៉ុនលើផ្នែកបច្ចេកវិទ្យា និងសេវាកម្មរបស់ក្រុមហ៊ុនជប៉ុនដែលបានលើកយកមកពិភាក្សា។
កិច្ចពិគ្រោះយោបល់រវាងភាគីជប៉ុន និងក្រុមហ៊ុន សូគីម៉ិច អ៊ិនវេសមេន គ្រុប នឹងបន្តធ្វើឡើងនៅប្រទេសកម្ពុជាក្នុងខែតុលាខាងមុននេះផងដែរ៕
Related Articles អត្ថបទដែលទាក់ទង
ពិធីប្រគល់រថយន្តដឹកសំរាម
កាលពីថ្ងៃទី២៧ ខែមិថុនា ឆ្នា២០២៣ រថយន្តដឹកសំរាមចំនួន ១០គ្រឿង ដែលសមាគមជប៉ុន-កម្ពុជារៀបចំ ត្រូវបានលាបពណ៌យ៉ាងស្រស់ស្អាត និងត្រូវបានប្រគល់ជូនភាគីកម្ពុជា ក្នុងពិធីប្រគល់ដែលបានប្រព្រឹត្តទៅដោយរលូន និងជោគជ័យ ក្នុងរាជធានីភ្នំពេញ។ រថយន្តដឹកសំរាមផលិតនៅជប៉ុន ដែលមានរូបទង់ជាតិជប៉ុន និងស្លាកសញ្ញាសមាគមជប៉ុន-កម្ពុជា (JCA) នឹងត្រូវបានប្រើប្រាស់ទូទៅគ្រប់ទីកន្លែងនៅក្នុងប្រទេសកម្ពុជា។សមាគមយើងខ្ញុំសង្ឃឹមថា រថយន្តដឹកសំរាមទាំងនោះនឹងចូលរួមជួយថែរក្សាទីក្រុងកម្ពុជាឱ្យស្អាត និងមានអនាម័យខ្ពស់។ សមាគម JCA នឹងខិតខំបន្តសកម្មភាពរបស់ខ្លួនទៀត ដើម្បីជាផលប្រយោជន៍សម្រាប់ប្រទេសជប៉ុន និងកម្ពុជា៕
កិច្ចជួបសំណេះសំណាលជាមួយឧបនាយករដ្ឋមន្ត្រី ស៊ុន ចាន់ថុល
5/7 18:00:-20:00 (តូក្យូ) ឯកឧត្តមឧបនាយករដ្ឋមន្ត្រី ស៊ុន ចាន់ថុល បានទៅបំពេញទស្សនកិច្ចនៅប្រទេសជប៉ុន ដើម្បីចូលរួមសិក្ខាសាលារៀបចំឡើងដោយមជ្ឈមណ្ឌលអាស៊ាន-ជប៉ុន។ កិច្ចជួបសំណេះសំណាលនេះធ្វើឡើង ស្របតាមសំណើរបស់សមាគម តាមរយៈក្រសួងការបរទេសជប៉ុន ក្នុងអំឡុងពេលទស្សនកិច្ចរបស់ឯកឧត្តមឧបនាយករដ្ឋមន្រ្តីនៅប្រទេសជប៉ុន។ ភាគីទាំងពីរបានជជែកពីគោលបំណងនៃការបើកការិយាល័យសមាគមនៅកម្ពុជា ដែលបានពិភាក្សាគ្នាកាលពីខែធ្នូ ឆ្នាំ២០២៣កន្លងមក។ ក្នុងកិច្ចសំណេះសំណាលលើកនេះ សមាគមយើងខ្ញុំបានពិភាក្សាជាមួយឯកឧត្តមឧបនាយករដ្ឋមន្រ្តី រួមនិងតំណាងភាគីកម្ពុជាដែលមានសមាសភាពដូចជា៖ សមាគមឧកញ៉ាកម្ពុជា (COA), សភាពាណិជ្ជកម្ម និងឧស្សាហកម្មកម្ពុជា (CCC), និងសមាគមសហគ្រាសធុនតូច និងមធ្យម (FASMEC), ដោយលើកឡើងពីភាពចាំបាច់នៃកិច្ចសហប្រតិបត្តិការរវាងសមាគមជប៉ុន-កម្ពុជា និងដៃគូពាក់ព័ន្ធនានាទាំងនៅកម្ពុជានិងជប៉ុន។ លើសពីនេះ ឯកឧត្តមឧបនាយករដ្ឋមន្រ្តី ក៏បានពន្យល់អំពីសារៈសំខាន់នៃការបង្កើតបណ្តាញដឹកជញ្ជូនថ្មីមួយ ដែលនឹងត្រូវបានធ្វើឡើងដោយប្រើប្រាស់ទន្លេមេគង្គ និងទន្លេសាបរបស់កម្ពុជា ដែលនឹងផ្តល់នូវសក្តានុពលសេដ្ឋកិច្ចសម្រាប់កម្ពុជាខ្លួនឯងផង និងនៅក្នុងតំបន់ រួមទាំងភាគីក្រុមហ៊ុនជប៉ុនផង។ ដោយសារឧបនាយករដ្ឋមន្ត្រី ស៊ុន ចាន់ថុល ក៏ជាអនុប្រធានទី១…
លោក SAY Sophertra អនុប្រធានក្រុមហ៊ុន សូគីម៉ិច អ៊ិនវេសមេន គ្រុប បានចូលជួបសម្តែងការគួរសមជាមួយសមាគមជប៉ុន-កម្ពុជា
លោក SAY Sophertra អនុប្រធានក្រុមហ៊ុន សូគីម៉ិច អ៊ិនវេសមេន គ្រុប ដែលជាសមាជិកម្នាក់របស់ការិយាល័យសមាគមជប៉ុន-កម្ពុជា ផងដែរនោះ បានចូលជួបសម្តែងការគួរសមជាមួយលោក Masahiro Imamura ប្រធានសម្ព័ន្ធសភាមិត្តភាពជប៉ុន-កម្ពុជា ក្នុងអំឡុងពេលទៅបំពេញទស្សនកិច្ចនៅប្រទេសជប៉ុន។ សូគីម៉ិច អ៊ិនវេសមេន គ្រុប ជាក្រុមហ៊ុនធំជាងគេមួយនៅកម្ពុជា ដែលគ្រប់គ្រងស្ថានីយ៍ប្រេងឥន្ធនៈ និងសណ្ឋាគារសុខា រួមនឹងអាជីវកម្មចម្រុះមួយចំនួនទៀត។ លោកអនុប្រធានក្រុមហ៊ុន សូគីម៉ិច អ៊ិនវេសមេន គ្រុប បានជម្រាបលោក Masahiro Imamura ពីបញ្ហាប្រឈម និងតម្រូវការរបស់ប្រទេសកម្ពុជាបច្ចុប្បន្ន និងបានស្នើសុំការគាំទ្របន្ថែមទៀតសម្រាប់ការអភិវឌ្ឍន៍ប្រទេសទាំងពីរនាពេលអនាគត៕