បរិច្ចាគរបាំងវះកាត់ចំនួន ១០,០០០ ដល់ស្ថានទូតកម្ពុជាប្រចាំប្រទេសជប៉ុន

នៅថ្ងៃទី២០ ខែកុម្ភៈ (ថ្ងៃអង្គារ) វេលាម៉ោង ១២:០០ ថ្ងៃត្រង់ សមាជិក JCA បានទទួលទានអាហារថ្ងៃត្រង់ជាមួយ ឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងដែនដី នគរូបនីយកម្ម និងសំណង់ ធ្វើឡើងនៅ Kojunsha ប្រទេសជប៉ុន។ ឯកឧត្តម សាយ សំអាល់ ឧបនាយករដ្ឋមន្ត្រី កំពុងបំពេញទស្សនកិច្ចនៅប្រទេសជប៉ុន តាមការអញ្ជើញរបស់ក្រសួងការបរទេសជប៉ុន បានចំណាយពេលវេលាដ៏មានតម្លៃរបស់ឯកឧត្តមឆ្លើយតបនឹងការអញ្ជើញរបស់សមាគម JCA ដើម្បីចូលរួមក្នុងកម្មវិធីទទួលទានអាហារថ្ងៃត្រង់ ដើម្បីសំណេះសំណាល និងបង្កើតបណ្តាញទំនាក់ទំនងជាមួយភាគីជប៉ុន ដែលមានរយៈពេលប្រមាណមួយម៉ោងកន្លះ។ ពីសមាជិក JCA មានសមាសភាពជាង ១០នាក់ រួមទាំងឯ.ឧ. Takahashi ជាប្រធានសមាគមផង បានចូលរួមក្នុងកម្មវិធីខាងលើនេះ ហើយកម្មវិធីបានបញ្ចប់ជាមួយនឹងការផ្លាស់ប្តូរយោបល់គ្នាទៅវិញទៅមកប្រកបដោយអត្ថន័យយ៉ាងជ្រាលជ្រៅ។…

លោក SAY Sophertra អនុប្រធានក្រុមហ៊ុន សូគីម៉ិច អ៊ិនវេសមេន គ្រុប ដែលជាសមាជិកម្នាក់របស់ការិយាល័យសមាគមជប៉ុន-កម្ពុជា ផងដែរនោះ បានចូលជួបសម្តែងការគួរសមជាមួយលោក Masahiro Imamura ប្រធានសម្ព័ន្ធសភាមិត្តភាពជប៉ុន-កម្ពុជា ក្នុងអំឡុងពេលទៅបំពេញទស្សនកិច្ចនៅប្រទេសជប៉ុន។ សូគីម៉ិច អ៊ិនវេសមេន គ្រុប ជាក្រុមហ៊ុនធំជាងគេមួយនៅកម្ពុជា ដែលគ្រប់គ្រងស្ថានីយ៍ប្រេងឥន្ធនៈ និងសណ្ឋាគារសុខា រួមនឹងអាជីវកម្មចម្រុះមួយចំនួនទៀត។ លោកអនុប្រធានក្រុមហ៊ុន សូគីម៉ិច អ៊ិនវេសមេន គ្រុប បានជម្រាបលោក Masahiro Imamura ពីបញ្ហាប្រឈម និងតម្រូវការរបស់ប្រទេសកម្ពុជាបច្ចុប្បន្ន និងបានស្នើសុំការគាំទ្របន្ថែមទៀតសម្រាប់ការអភិវឌ្ឍន៍ប្រទេសទាំងពីរនាពេលអនាគត៕

ថ្ងៃទី៨ ខែឧសភា ឆ្នាំ២០២៤   សមាជិកសមាគមយើងខ្ញុំ បានចូលរួមក្នុងវេទិកាវិនិយោគនៅកម្ពុជា ដែលរៀបចំឡើងដោយមជ្ឈមណ្ឌលអាស៊ាន-ជប៉ុន។ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានពន្យល់ពីឱកាសវិនិយោគនៅកម្ពុជា ដោយលើកឡើងពីការសម្រួលប្រព័ន្ធអនុគ្រោះពន្ធ និងពន្យល់ពីបដិវត្តភស្តុភារដោយប្រើទន្លេ និងប្រឡាយ។ ក្នុងនោះដែរ ក៏មានការពន្យល់ដោយលើកយកឧទាហរណ៍ជាក់លាក់ស្តែងនានា ស្តីពីការវិនិយោគនៅកម្ពុជា ដែលបានផ្តល់ឱកាសពិសេសមួយសម្រាប់ក្រុមហ៊ុនដែលចាប់អារម្មណ៍ក្នុងការពង្រីកអាជីវកម្ម ឬការវិនិយោគរបស់ខ្លួនមកកាន់ប្រទេសកម្ពុជា។ សមាគមយើងខ្ញុំ សូមស្វាគមន៍ចំពោះសមាជិកខ្លួន ដែលកំពុងពិចារណាពីការពង្រីកការវិនិយោគរបស់ខ្លួន ទៅក្នុងតំបន់សេដ្ឋកិច្ចពិសេសរបស់កម្ពុជា ដែលអាចប្រើប្រាស់ទំនាក់ទំនងជាមួយក្រុមប្រឹក្សាអភិវឌ្ឍន៍កម្ពុជា (CDC) ដើម្បីផ្តល់ជំនួយក្នុងដំណើរការចុះបញ្ជីក្រុមហ៊ុនសម្រាប់វិនិយោគជាដើម៕